Teksa qeveria trumpeton me të madhe përmirësimin e sistemit shëndetësor në vend, çdo ditë e më tepër ka ankesa për kushtet e mjerueshme dhe skandaloze në të cilat ndodhet ky sektor kaq i rëndësishëm për qytetarët.
Janë vetë qytetarët që kanë denoncuar me foto e video, kushtet "mesjetare" në spitalet tona publike, por edhe korrupsionin që ende është prezent.
Së fundmi, një qytetar ka dërguar një mesazh në redaksinë e JOQ Albania, ku tregon se në ç'gjendje ndodhet Urgjenca e re në Elbasan, e cila pritet të inagurohet ditën e nesërme nga kryeministri Rama.
Sipas qytetarit, Urgjenca s'ka strehë fare dhe kur bie shi, të sëmurët bëhen qull, ndërkohë që për rinovimin e saj janë harxhuar miliona lekë nga buxheti i shtetit.
Po ashtu më tej, personi në fjalë denoncon mungesën e defribilatorëve dhe monitorëve, të cilat mbulohen nga ata të vjetrit që kanë qenë në Urgjencën e vjetër, ndërsa thekson se gjithçka është vetëm fasadë, pasi edhe pemët janë lyer për shkak të vizitës së Ramës.
Denoncuesi sugjeron se do të ishte më mirë që ato para të harxhuara kot për pemët e lyera e fasadën e Urgjencës të shpenzoheshin për blerjen e medikamenteve që mungojnë me shumicë në spitalet tona.
Mesazhi i plotë:
***
Për t’u bërë pjesë e grupit mjafton të klikoni: Join Group dhe kërkesa do t’ju aprovohet. KOMUNITETI JOQ ALBANIA: https://m.facebook.com/groups/komunitetiJOQ/