“Ta hedhim poshtë atë qelbësirë që ka bërë Turqia”, drejtuesi i televizionit ofron 1000$ për atë që prish memorialin

Vendosja e memorialit të viktimave të grushtit të shtetit në Turqi te Kodrat e Liqenit, ka shkaktuar një debat të madh publik. Jo vetëm nga qytetarët, por reagime ka pasur edhe nga bota e medias.

Së fundmi, drejtuesi i medas shqip "Nova Media", Arian Asimi, i cili transmeton në Çikago për diasporën, ka reaguar mjaft ashpër. Ai ka premtuar 1000 dollarë shpërblim, për këdo që prish memorialin turk me emrat e 251 personave.

Këtë deklaratë ai e ka bërë në një intervistë me Ilir Borovën në "Nova Media". Sipas tij shqiptarët janë të varfër, por jo pa dinjitet dhe nuk na duhen qelbësirat e Turqisë.

Asimi u shpreh:

Unë bëj thirrje me sinqeritet; kushdo shqiptarë që vete e prish atë memorial e ta hedhin poshtë atë qelbësirë që ka bërë Turqia në Shqipëri, do të marrë nga unë 1000 dollarë...Ne jemi të varfër, por nuk jemi njerëz të mbaruar, kemi karakter, kemi dinjitet, nuk na duhet. Turku është në Azi ne jemi në Europë.