Gjatë gjithë kësaj kohe Facebook ka paguar palë të treta për të transkriptuar biseda audio të përdoruesve.
Lajmin e bën të ditur Bloomberg duke cituar njerëz që e njohin mirë këtë çështje.
Raportohet gjithashtu se kompania e ka pranuar se ka qenë duke përgjuar përdoruesit me audio, por sipas tyre, kjo praktikë tashmë ka marrë fund.
Sipas Bloomberg, që citon kompaninë, përdoruesit e prekur ishin ata që e kishin aktivizuar opsionin që lejonte kompaninë të transkriptonte materialet audio që ata dërgonin në Messenger.
Gjiganti i mediave sociale është përballur së fundmi me një ‘lumë’ kritikash si dhe telashesh si pasojë e mënyrës se si i ka trajtuar të dhënat personale të përdoruesve.
Raporti vjen në një kohë që po zbulohen praktikat e përgjimit ose ‘dëgjimit’ të përdoruesve nga kompanitë më të mëdha të teknologjisë.
Të përfshira në hetime janë edhe Apple, Microsoft, dhe Google.
Burimi:Mail Online|Përktheu dhe përshtati:JOQ Albania
