Ndjekja e ndeshjeve të futbollit ju bën mirë për shëndetin. Të paktën kështu thuhet në një studim të realizuar së fundmi.
Në qendër të këtij studimi kanë qenë tifozët dhe ndjenjat që ata përjetojnë ndërkohë që janë duke ndjekur skuadrën e tyre të zemrës.
Kërkuesit nga Universiteti Leeds analizuan një numër tifozësh dhe zbuluan se gjatë kohës që ata ndiqnin ndeshjet rrahjet e zemrës shtoheshin me rreth 64 për qind.
Disa prej tyre madje patën një rritje prej 130 rrahjesh në minutë. Ndërkohë, rrahjet normale në gjendje pushimi variojnë nga 60 deri në 100 rrahje për minutë.
Ky ritëm rrahjesh, sipas studiuesve, është njëlloj si të keni bërë një shëtitje me vrap të lehtë për një orë e gjysmë.
Shkencëtarët shpjegojnë më tej se ndjekja e ndeshjeve të futbollit ul presionin e gjakut tek tifozët si dhe i ‘pajis’ ata me një përmirësim humori që mund të zgjatë gjatë gjithë ditës.
Gjithsesi, në anën tjetër, rezulton se në rastet kur skuadra e zemrës mundet, tifozët përjetojnë efekt të kundërt emocional që mund të krahasohet, sipas shkencëtarëve, me trishtimin që ndjejmë kur humbim një person të dashur.
Burimi:Mail Online|Përktheu dhe përshtati:JOQ Albania