Instagram konsiderohet rrjeti më i dëmshëm social për shëndetin mendor
Postimet e jetës ‘perfekte’ që bëhen kryesisht në rrjetet sociale mund të shkaktojnë shqetësime mendore tek përdoruesit.
Fotot që shpërndahen kryesisht në këto rrjete sociale po kontribuojnë në problemet e shëndetit mendor si ankthi, depresioni, privimi nga gjumi dhe problemet e imazhit mbi trupin tek të rinjtë, që janë edhe përdoruesit më të mëdhenj të mediave sociale.
Konkretisht, rezulton se Instagrami është rrjeti më i dëmshëm social.
Me 700 milionë përdorues globalisht, kjo platformë duket se është rrjeti që ka efektin më të madh negativ.
Vetëm YouTube kishte një efekt neutral-pozitiv në mesin e të anketuarve.
Çdo rrjet tjetër social rezultoi me një efekt negativ. (Prej më pak negative tek më shumë, ishin: Tëitter, Facebook, Snapchat dhe Instagram.)
Të anketuarit e vlerësuan Instagramin në mënyrë të veçantë për shkaktimin e ndjenjave negative mbi trupin si dhe praninë e ankthit.
Në këtë rast më të dëmtuara rezultojnë të jenë vajzat që ndikohen shumë nga fotot e kuruara në detaje duke u ndjerë keq për veten e tyre.
