Në vetëm dy ditë, miliona përdorues të rrjeteve sociale, nuk lanë pa përdorur aplikacionin FaceApp.
Ky aplikacion u bë menjëherë viral dhe miliona foto u publikuan në rrjetet e ndryshme sociale.
Pavarësisht se fillimisht është lancuar në vitin 2017, aplikacioni tani është duke marrë vëmendje të madhe në rrjetet sociale, ku edhe yjet si Gordon Ramsay, Drake dhe Jonas Brothers kanë postuar fotografi duke treguar se si duken si më të vjetër.
Megjithatë, pavarësisht se mund t’ju duket si mënyrë argëtuese për ta kaluar kohën, faktikisht aplikacioni ka efekte potenciale psikologjike – të mira e të këqija.
Psikologu William Chopik thotë se duke ditur se si do të dukemi në pleqëri, kjo është pak a shumë diçka që na streson. Filter i pleqërisë e nxit idenë se pleqëria mund të jetë diçka e padëshirueshme dhe mund ta bëjë njeriun të ndihet keq, shkruan tg.
Sidoqoftë, aplikacioni ka edhe efekte pozitive. Në një mënyrë, aplikacioni ndihmon ta normalizojmë faktin se çdo njeri plaket dhe se duhet të mësohemi me këtë fakt.