Një sëmundje misterioze ia ka shkatërruar terësisht fytyrën një burri nga Filipinet, duke ia fryrë fytyrën thuajse tre herë më shumë se përmasat normale të saj.
Bëhet fjalë për 56-vjeçarin, Romulo Pilapil, me profesion zdrukthëtar.
Ai fillimisht u sëmur tre vjet më parë. Simptomat e para ishin kruarja e syve dhe rrjedhje sekrecionesh nga hundët.
Asokohe, babai i tre fëmijëve u diagnostikua me sinusit (infeksion i hapësirave e gropëzave që rrethojnë hundën) dhe iu dhanë ilaçe, por dy javë më vonë gjendja e tij nuk ishte përmirësuar dhe fytyra e tij filloi të fryhet.
Mjekët në ishullin Leyte, ku ai jeton, mbetën të habitur nga gjendja dhe rekomanduan që ai të udhëtojë për në Manila për t'u trajtuar atje.
Por familja nuk kishte mundësi financiare për ta dërguar atje, ndërkohë gjendja e 56-vjeçarit vazhdonte të përkeqësohej.
Pilapil humbi edhe shikimin nga kjo sëmundje dhe u detyrua të ndalonte punën.
Fëmijët e tij, të cilët studionin, u detyruan të punojnë për të mbajtur familjen, ndërsa gruaja e 56-vjeçarit u bë pastruese rrugësh.
John Santos, nip i Pilapil, tha se ata mendonin se Romulo kishte vetëm një alergji kur filluan simptomat e tij.
John tha:
Disa javë pasi filloj t'i enjtej fytyra, Romulo u kontrollua nga mjekët në krahinën e tyre, por ata nuk mundën dot të jepnin një diagnozë të saktë.
John shtoi:
Vizita e fundit e Romulos tek mjeku ishte në vitin 2018 dhe familja nuk ka ndjekur takimet lokale, sepse mjekët e zonës kanë thënë se nuk mund të bëjnë dot asgjë për të.
Burimi: MailOnline | Përktheu dhe Përshtati: JOQ Albania
