Dritan Veliu është 30 vjeçari, i cili mëngjesin e sotshëm qëlloi të atin me sëpatë.
Ngjarja ndodhi pas një sherri në familje, në lagjen “Xhevdet Nepravishta” në qytetin e Lushnjes.
30-vjeçari njihet si person i dhunshëm. Ai ka ushtruar herë pas here dhunë mbi familjarët, si dhe ka bërë një vit burg më parë.
I dëmtuari i ditës së sotme nga Dritani, është babai i tij, Kujtim Veliu, 67-vjeç, i cili ndodhet në gjendje të rëndë shëndetësore.
I moshuari u dërgua fillimisht në spitalin e Lushnjes, por për shkak të plagëve të marra, është nisur me urgjencë drejt Tiranës.
Autori mësohet se është beqar ndërkohë që është shpallur në kërkim nga Policia. E ëma e autorit është e sëmurë ndërkohë që prindërit e 5 fëmijëve merren me tregti.
Nuk dihen ende motivet e sherrit në familje, të cilat çuan në këtë ngjarje të rëndë.