Një bombël gazi ka shpërthyer e si pasojë, një banesë është përfshirë nga flakët në Selenicë të Vlorës.
Ngjarja mësohet se ka ndodhur rreth orës 05:53 të mëngjesit të sotshëm.
Policia bën me dije se nga shpërthimi kanë mbetur të dëmtuar pronarët e banesës, 49 vjeçari R.S dhe bashkëshortja e tij 42 vjeçare M.S.
Kjo e fundit ndodhet në gjendje të rëndë shëndetësore dhe do të niset drejt Tiranës për mjekim më të specializuar.
Nuk ka persona të tjerë të dëmtuar dhe gjithashtu banesa nuk përbën rrezik nga zjarri për banesat e tjera.
Foto ilustruese