Bota e sportit në zi, gjendet i vdekur ish-kampioni i Botës dhe Europës

Një lajm i hidhur vjen nga bota e sportit, ku ish-kampioni i botës në xhudo, Craig Fallon, është gjetur i pajetë.

36-vjeçari ishte shpallur i zhdukur nga familjarët e tij, ndërkohë që trupi i tij i pajetë u gjet në një mal, në pjesën lindore të Shropire në Britaninë e Madhe.

Sipas autoriteteve, ish-kampioni u gjet pa shenja jete në vendin e quajtur "The Wrekin", orët e para të mëngjesit të së hënës.

Ende nuk dihen shkaqet e vdekjes së sportistit, ndërkohë policia ka hedhur dyshime se mund të jetë përfshirë ndonjë palë tjetër.

Do të jetë rezultati i ekspertizës mjeko-ligjore që do të hedhë dritë mbi shkaqet e vdekjes së Fallon.

Në një dedikim prekës, ish-trajneri i Fallon, Fitzroy Davis u shpreh:

Dedikimi për sportin që ai e deshi do të jetë gjithmonë me mua dhe unë do të mbaj gjallë kohën që e kaluam së bashku. Craig do të jetë një humbje e madhe për sportin, por unë shpresoj që arritjet e tij dhe historitë e tij të jashtëzakonshme do të inspirojnë gjeneratat e ardhshme".

36-vjeçari është cilësuar nga Nigel Donohue, Drejtor i Sportit të Xhudos në Britani, si xhudisti më i suksesshëm britanik i epokës moderne.

Në shtator të vitit 2005, Fallon u shpall kampioni i botës në Xhudo për peshën -60 kilogramë, duke mundur Ludwig Paischer në finale.

Ai u bë mashkulli i tretë britanik që fitoi titullin botëror, pas Neil Adams në vitin 1981 dhe Graeme Randall në vitin 1999.

Në vitin 2006, Fallon u shpall kampion i Evropës në Tamperetë Finlandës në kategorinë e peshës prej -60 kg duke mundur Armen Nazaryan në finale.