Një gjykatë në Londër ka dënuar me 33 vite burg në total një bandë shqiptare të shpërndarjes së kokainës. Ata shpërndanin "miellin e bardhë" në sheshin e Londrës.
Banda përbëhej nga dy drejtues, 8 korrierë dhe dy persona të tjerë. Ata u kapën me 1.2 kg kokainë, me vlerë 100 mijë paund. Policia e Londrës gjithashtu sekuestroi 20 mijë paund cash dhe dy telefona celularë.
Hetimi ndaj grupit zgjati 8 muaj, fill pasi një prej korrierëve u kap me kokainë. Vetëm gjatë muajit të shkuar janë zhvilluar një sërë seancash në Gjykatën Mbretërore dhe Old Bailey.
Detektivi Lee Johnson, i cili udhëhoqi operacionin, u shpreh se shumica e korrierëve janë të rinj dhe shfrytëzohen nga kokat e krimit të organizuar.
Më tej ai tha se autoritetet po përpiqen të nxjerrin para ligjit, të gjithë ata që shpërndajnë kokainë, por edhe ata që e blejnë atë.
Shqiptarët e dënuar janë:
Bledi Ponari 28 vjeç me 1 vit e 4 muaj
Fjoralb Fera 21 vjeç me 5 muaj
Halil Shehu 22 vjeç me 2 vjet e 8 muaj
Klevis Drazhi 20 vjeç me 11 muaj
Fabio Domi 21 vjeç me 2 vjet e 10 muaj
Mario Prendi 27 vjeç me 2 vjet e 4 muaj
Albi Hoxha 23 vjeç me 2 vjet e 10 muaj
Bledar Xhani 23 vjeç me 3 vjet
Dritan Jella 33 vjeç me 4 muaj
Klajdi Qyra 22 vjeç me 2 vjet e 1 muaj
Emirjan Demiraj 22 vjeç me 2 vjet e 10 muaj
Erdi Nezaj 25 vjeç i cili u deportua menjëherë në Shqipëri
Burimi: Times|Përktheu dhe përshtati: JOQAlbania