Një projektues lodrash nga Kina, i frymëzuar nga filmi i njohur i Hollywood-it, "Transformers", ka arritur të realizojë një makinë që mund të shndërrohet në robot.
Tingëllon si ide fantashkencore, por Wang Yabing e ka bërë realitet një gjë të tillë, duke vënë në përdorim të gjitha aftësitë e tij.
Për këtë ndërtim interesant, shpikësit kinez i janë dashur tetë muaj punë dhe rreth 9,000 Euro për të bërë mekanizmin e komplikuar që të mundësojë me anë të një telekomande, shndërrimin e makinës në një robot 4 metra të lartë.
Me realizimin e kësaj shpikjeje gjeniale, duket se Yanbing ka përmbushur ëndrrat e shumë fëmijëve dhe adoleshentëve të apasionuar pas filmave "Transformers".
Synimi i shpikësit kinez të lodrave është krijimi një linje për prodhimin e makinave të tilla, në një të ardhme të afërt.
