Kreu i qeverisë Edi Rama mblodhi sot kryesinë e Partisë Socialiste.
Sipas vendimeve të dala nga takimi, Rama do të marrë në dorë vetë qarqet e veriut.
Ai është koordinator në Shkodër, Kukës, Lezhë dhe Dibër. Deri më sot në këto qarqe ka pasur emra të tjera që koordinonin strukturat e PS.
Kujtojmë se Rama është refuzuar historikisht nga këto qarqe, madje së fundmi është pritur edhe me protesta të forta.
Gjithashtu në mbledhje u vendos që kreu i Grupit Parlamentar të PS, Taulant Balla të drejtorë strukturat në Tiranë, Elbasan, Durrës dhe Korçë.
Kurse kreu i kuvendit, Gramoz Ruçi, i cili është edhe një nga figurat më të vjetra në PS, do të marrë në dorë Fierin, Beratin, Gjirokastrën dhe Vlorën.
Mësohet se gjatë takimit janë zhvilluar edhe diskutime për organizimin e strukturave në këto qarqe.