Dy persona kanë mbetur të plagosur si pasojë e një aksidenti të ndodhur në aksin rrugor Elbasan-Peqin.
Ngjarja ka ndodhur pak minta më parë, pranë fshatit Papër, ndërkohë që dy të lënduarit, identiteti i të cilëve nuk është bërë publik, janë transportuar drejt spitalit, nga ku mësohet se ndodhen në gjendje kritike për jetën.
Siç shihet në foto përplasja ka qenë tejet e fortë, pasi automjeti ka përfunduar jashtë rrugës.
Është dashur ndërhyrja e zjarrfikëses për të nxjerrë jashtë të lënduarit nga makina.
Dyshohet se shkak i aksidentit të jetë bërë shpejtësia e lartë, por edhe lagështira e pranishme në rrugë.
Policia ka mbërritur në vendngjarje dhe po punon për zbardhjen e plotë të dinamikës së ngjarjes.