Një tjetër dokumentar i cili hedh dritë mbi rrugën e trafikimit të kokainës nga Amerika Latine në Europo duke kaluar nga Shqipëria, do të publikohet shumë shpejt nga mediat e huaja.
Bëhet fjalë për dokumentar me 5 seri të RAI 3 të quajtur “Narcotic” i realizuar nga gazetari investigativ Valerio Cataldi dhe që zbulon linjën e re të trafikut të kokainës nga Kolumbia në Meksikë deri në Shqipëri.
Seria e parë publikohet në 17 korrik në RAI 3 dhe për momentin është publikuar vetëm një pjesë e shkurtër e tij.
Gazeta La Repubblica shkruan se dokumentari na dërgon në qendër shtetit Guerrero, një nga më të varfrit dhe më të trazuarit e Meksikës jugperëndimore, por edhe një qendër për trafikun e madh të kokainës dhe heroinës të destinuar për tregjet amerikane dhe evropiane.
La Repubblica shkruan:
TG3 dhe RAI3 kanë zgjedhur një orë të vonë për ta transmetuar (23.20) ndoshta për shkak të pamjeve të rënda dhe mënyrës së drejtpërdrejtë të trajtimit të ngjarjeve.
Pjesa e parë është fokusuar në shtetin meksikan se si shteti është i pafuqishëm të luftojë kartelin e drogës “Cartel del Sur”. Aty tregohet se si një grusht burrash që tashmë të lënë në mëshirë të fatit nga shteti janë duke luftuar të vetëm me narkotrafikantët.
Gazetari Valerio Cataldi thotë:
Ai rrëfen edhe për fshatrat e Guerrero, të zgjedhura nga “Cartel del Sur” për të kultivuar opium, i cili transformohet në heroinë.
Në këtë histori përfshihet më pas edhe organizata mafioze Ndrangheta, e konfirmuar si një nga organizatat kriminale me kontaktet më të mira në Meksikë për trafikun ndërkombëtar të drogës.
Në Kolumbi gazetarët e dokumentarit Narcotica kanë shkuar në Catatumbo, ku janë laboratorët klandestinë të drogës. Pjesa e fundit e dokumentarit rikthehet në Meksikë dhe më pas në Shqipëri, mësn Lapsi.
Është gazetarja Daniela Rea që shpjegon më së miri realitetin e nisur nga Cataldi në pjesën e parë.
La Repubblica shkruan:
Nuk kanë qenë të pakta rastet kur në Shqipëri është sekuestruar kokainë që vinte nga Kolumbia. Rasti më i bujshëm është ai i kapjes në Durrës së 613 kg kokainë e fshehur në konteinerët e bananeve. Vlen për tu përmendur edhe laboratori i Xibrakës ku përpunohej kokainë e ardhur nga Amerika Latine dhe ku u kapën edhe 2 kolumbianë.