Shpërthimi i një bombole me hidrogjen në bodrumin e një argjendarie në zonën e ish-Bllokut, la 4 të plagosur dhe krijoi panik te qytetarët.
Argjendaria në të cilën ndodhi shpërthimi është në pronësi të çiftit Sokol dhe Alma Pirra. Ata janë prindër të një djali 14-vjeçar.
Sokol Pirra me profesion është avokat dhe gjithashtu është një prej themeluesve të shoqatës se komunitetit hebre në Shqipëri.
Ngjarja e rëndë ndodhi paraditen e sotme në zonën e ish- bllokut. Nga shpërthimi mbetën të plagosur katër persona.
Nga shpërthimi u shënuan dëme të shumta materiale jo vetëm në argjendari, por edhe në një dyqan me tullumbace për organizim eventesh që ndodhet pranë argjendarisë.