Ditën e sotme, në mbledhjen me dyer të mbyllura të KQZ, kryetari Klement Zguri është përfshirë në një debat të ashpër më nënkryetarin, Denar Biba.
KQZ u mblidh për të shqyrtuar ankesa për zgjedhjet e fundit lokale.
Zguri vazhdon të përsërisë kërkesën për hapjen e kutive të votimit, për shkak të parregullsive të shumta të regjistruara në procesin e 30 qershorit.
Ndërkohë Biba nga ana tjetër e akuzon Zgurin se po gënjen dhe nuk është e vërtetë se ka pasur më shumë fleta sesa votues.
Më tej Zguri ka lëshuar një akuzë tëpër të fortë për Bibën.
Ai e ka akuzuar nënkryetarin e KQZ, se nëse hapen kutitë, në mënyrë figurative në listë janë gishtat e tij.
Debati
Klement Zguri: Jemi pothuajse në përfundim të këtij procesi që ka të bëjë me kërkesat ankimore. Në në një farë mënyre i kemi shfaqur opinionet tona, kemi folur, diskutuar, propozuar, vendosur, dhe sigurisht kemi konkluduar. I vetmi problem që kur ka filluar dhe deri sa po mbaron, i vetmi shqetësim, është se ka fletë votimi më shumë se zgjedhës. Është e vetmja gjë serioze, shqetësim serioz
Ndërhyn Denar Biba: Si ka më shumë fletë votimi më shumë se votues
Klement Zguri: Ka mundësi të më lesh të flas
Denar Biba: Jo, jo, unë të le të flasësh, po jo të gënjesh
Klement Zguri: Ti hapi kutitë dhe të shohim kush gënjen
Denar Biba: Prandaj jam gënjështar unë se ti kërkon me patjetër të hapësh kutitë, ta lesh procesin që ata fitues të mos marrin…
Klement Zguri: O Denar nuk më shqetëson fare ti, kështu që mos u lodh për të ndërhyrë
Ore ju dëgjoj nga përfaqësuesi i partisë sa jeni në tavolinë ju dëgjoj të gjithëve me respekt
Denar Biba: Si mund ta thoni , kjo është e pabesushme
Klement Zguri: Hape dhe besoje. Hapi kutitë dhe besoje
Denar Biba: Po provoje
Klement Zguri: Po pra hape dhe bësoje po them
Denar Biba: Apo të gjithë ata që ke nga mbrapa, një provë të vetme
Klement Zguri: Unë s’kam nga mbrapa, ti i ke. Dhe ti se i hap se po i hape në mënyrë figurative po të shukohen listat janë shenjat e gishtace të tu, në mënyrë figurative po të them.