Të blesh një makinë të përdorur në disa raste mund të jetë një mënyrë e mirë për të kursyer para, por edhe kjo vjen me anën e vet të ‘medaljes’.
Përpara së të merrni vendimin, e mira është që të jeni të kujdesshëm dhe të kontrolloni çdo gjë me detaje.
Kilometrat e përshkuara, për shembull, janë shpesh shigjeta e peshores. Mund të rastisë që gjen rishitësa apo persona që shesin makinën e tyre, që “fusin dorë” në kilometrazh për ta “rinuar” makinën.
Veç kësaj, kujdesuni që të shihni me detaje, gomat, karrocerinë, pjesën e brendshme, e tij.
Pra, para se të blini një makinë të përdorur, kujdesuni që të kontrolloni me kujdes:
Karrocerinë
Kontrollo që karroceria e makinës të mos ketë ndryshk. Verifiko mbylljen e dyerve e të kofanos dhe shiko nëse boja e makinës është homogjene pasi makina mund të ketë pësuar aksident nëse lyerja nuk është e njëtrajtshme.
Gomat
Nëse janë shumë të konsumuara, vlera e makinës duhet ridiskutuar. Po ashtu, nëse gomat janë konsumuar në mënyra jouniforme, atëherë kjo mund të tregojë se makina ka defekte të tjera si p.sh në frenim.
Pjesën e brendshme dhe kroskotin
Nëse timoni është i konsumuar, është e mundur që makina të ketë më shumë se 100 mijë kilometra. Kontrollo që të ketë airbag apo Abs. Provo të përmbysësh sediljen e parë dhe verifiko nëse punojnë butonat dhe komandat.
Motorin dhe mekanikën
Hap kofanon dhe kontrollo nëse ka lëngje apo vajra të derdhura dhe që bateria nuk është e gërryer e që testata nuk filtron vaj, shkruan Scan. Për një kontroll të pjesëve më delikate të motorit nevojitet një kontroll në ofiçinë.
Bëj një xhiro provë shumë të kujdesshme
Është shumë e rëndësishme që të bësh një xhiro në rrugë me makinën që dëshiron të blesh, mundësisht të shoqëruar nga një mekanik i besuar.
Gazin që shkarkon
Pasi ndizet dhe ngrohet motori, pasi disa minutash provo të shtypësh gazin deri në fund. Nga skapamentoja nuk duhet të dalë tym me ngjyrë blu, sepse kjo tregon se motori djeg vaj, në rastin e motorëve me benzinë ose tym i zi që tregon se injektorët e filtrat janë të bllokuar, në rastin e motorëve me naftë.
Zhurmën e motorit
Duhet të jetë, në limitet e mundura, sa më pak i zhurmshëm. Përndryshe është simptomë e problemeve me marmitën ose me sistemin e shkarkimit.
Pjesët elektrike
Kontrollo funksionimin e dritave, pasqyrave, dritave të brendshme e llambave të tjera të kroskotit.
Marshet
Duhet të futën lehtësisht dhe për asnjë arsye nuk duhet të ndryshojë nëse nuk janë të pozicionuara në shinën e duhur.
Timonin
Timoni nuk duhet të ketë zona “të vdekura” gjatë ecjes. Nëse gjatë rrotullimit timoni reagon pak, mund të jetë që kutia e drejtimit duhet rishikuar.
