Rodrigo de Paul është më shumë se një ide në kampin kuq e zi. Argjentinasi deri më tani ka pritur ofertat nga klubet që do të luajnë në Champions.
E vetmja që ka trokitur në derën e Udinezes, ka qenë Interi, por që më pas hoqi dorë nga lojtari. Edhe Napoli kishte kërkuar informacion për argjentinasin, por tashmë i kanë përqëndruar të gjtha forcat te James Rodriguez.
Edhe Roma është aty për të përfituar, por verdh e kuqtë me afrimin e Fonsecës, i kanë hedhur sytë drejt Susos. Pikërisht një transferim i mundshëm i spanjollit në kryeqytet për 38 milion euro, mund të zhbllokonte tratativën.
Milan për transferimin e argjentinasit e ka rrugën e lirë dhe do të mjaftonin vetëm 30 milion euro, shumë të cilën e kërkon Udineze për të lënë të lirë lojtarin. Udineze deri më tani nuk ka pasur kontakte me Milanin, por një tratativë e tillë nuk përjashtohet.
Ndërkohë de Paul aktualisht po pushon me të dashurën në Karaibe, nën shoqëinë edhe të shokëve të kombëtares, Dybala dhe Paredes. Mediat italiane gjithashtu kanë aluduar, se përfshirja e Milan në tratativë, mund të jetë edhe një strategji për t'i rrëmbyer Vertout Fiorentinës, e cila gjithashtu ka shfaqur interes për de Paul.
Burimi: Sportmediaset|Përktheu dhe përshtati: JOQAlbania