Ditën e sotme në zonën e ish-Bllokut u shënua një ngjarje e rëndë.
Nga shpërthimi i një bombole gazi në një biznes mbetën të plagosur 4 persona, 2 prej të cilëve në gjendje kritike për jetën.
U mësua se Eneida Nura 18-vjeç ishte një prej personave të plagosur. E reja ishte lënduar në pjesën e legenit, ndërsa 23-vjeçari Ardanoel Serjani, është një prej të plagosurve të tjerë, i cili kishte marrë lëndime në pjesën e krahut.
Është mësuar se çifti i bashkëshorteve Alma 43 vjeç dhe Sokol Pirra 52 vjeç, pronarë të biznesit, kanë mbetur të plagosur rëndë nga shpërthimi.
Ata janë pjesë e komunitetit shqiptaro-hebraik.
Çifti Pirra janë prindër të një djali 14-vjeçar, i cili është një pianist i talentuar.
Gjendja e tyre shëndetësore sipas mjekëve të shërbimit të Djegie Plastikës, paraqitet e rënduar si pasojë e djegieve të rënda në të gjithë sipërfaqen e trupit.