Juventusi po vijon përgatitjet për sezonin e ri, ndërsa sot, në ambientet e klubit bardhezi është prezantuar edhe goditja e madhe e merkatos, Aron Ramsey.
Mesfushori uellsian deklaroi gjatë prezantimit se është gati për aventurën e re dhe se e di mjaft mirë përgjegjësinë që ka mbi supe. Së fundmi dha edhe një koment për numrin 8 që do mbajë mbi fanellë.
Ai u shpreh:
Kur mora vesh se Juventusi më kërkonte, menjëherë mendova mundësinë që do kem të luaj në një nga klubet më të rëndësishme në botë dhe kjo ka qenë një ëndërr për mua. Kjo është edhe një sfidë për mua. Këtu është edhe një kulturë tjetër dhe lloj tjetër futbolli. E di që do jetë sfidues dhe e vështirë, por me zor po pres të luaj. Numri 8? E mora numrin 8, e kam pasur dhe te Arsenali. Këtu ishte i lirë, dhe e mora. E di që më parë e ka pasur Markizio, një lojtar fenomenal që është rritur këtu dhe ka pasur një karrierë të pabesueshme. Dua të bëj edhe unë atë që bëri ai me Juven, do ishte fantastike. Jam gati për përgjegjësi."