Elseid Hysaj nuk do jetë pjesë e Napolit në sezonin e ri dhe duket se do të vazhdojë karrierën e tij në kampionatin spanjoll te Atletico Madridi.
Dy klubet kanë arritur një marrëveshje mes tyre dhe shumë shpejt pritet që mbrojtësi i kombëtares shqiptare të prezantohet te ekipi i ri.
Mediat italiane kanë zbuluar edhe detajet e transferimit ku bëhet fjalë për një pagesë prej 15 milionë eurosh plus bonuset.
Atletiko pritet që të paguajë 15 milionë euro në fund të sezonit, por për këtë duhet që shqiptari të luajë të paktën 50% të ndeshjeve që skuadra spanjolle do të zhvillojë gjatë sezonit të ardhshëm.
Të presim e të shohim kur do të ndodhë transferimi zyrtar i Hysajt te një ekip i madh si Atletico Madridi....
Burimi: Football Italia| Përshtati: JOQ Albania