25- vjeçarja që ndërroi jetë në kanionin e Holtës pasditen e sotme, kishte planifikuar të ndërtonte të ardhmen e saj në Gjermani.
Desantila Sollaku u rrëmbye nga rryma e fuqishme e ujit në kanionin e Holtës dhe nuk arriti që të shpëtonte duke u mbytur.
25-vjeçarja jetonte në Savër të Lushnjes, ndërsa bashkë me familjen kishte vendosur të kalonin fundjavën në Holtë meqë vëllai, Denisi sapo ishte kthyer nga Gjermania.
25-vjeçarja kishte planifikuar largimin drejt Gjermanisë këtë javë për të punuar si infermiere, pasi përfundoi studimet në Shqipëri. Familja Sollaku ka dy vajza dhe një djalë.
Prindërit e vajzës merren me tregti në Savër, produkte ushqimore. Ngjarja e sotme është tragjedia e dytë në familjen Sollaku, pasi rreth dy vite më parë u hodh nga pallati duke u vetëvrarë gjyshi i vajzës që sot u mbyt në Holtë.
Kujtojmë që ngjarja e rëndë ndodhi pasditen e sotme, ku 7 persona mbetën të bllokuar në kanion. 6 prej të bllokuarve arritën të shpëtoheshin, ndërsa Desantila fatkeqësisht ndërroi jetë.