Me Nicolo Barella, numri i të afruarve te Inter gjatë merkatos së verës shkon në 4. Megjithatë ekspertët e merkatos paralajmërojnë se deri më 2 shtator do të ketë surpriza të tjera.
Jo vetëm në sulm, ku objektivat janë Dzeko dhe Lukaku, por Inter po punon që të sjellë një top player në mesfushë për Conten.
Por si fillim duhet të largohen disa lojtarë. Tashmë Conte dhe Marotta ia kanë bërë të qartë Icardit dhe Nainggolan, se nuk janë në planet e Inter.
Sipas asaj që shkruan Corriere Interi do të provojë të sjellë në Milano një lojtar "big", siç është Sergej Milinkovic Savic. Ekipi më i favorizuar për të marrë shërbimet e serbit është Mancester United, por jo të gjithë në Angli janë të bindur se Saviç është zëvendësuesi ideal për Pogba.
Nëse transferimi për serbin do të ngecë, Interi ka bërë plan që të josh trajnerin e Lazios, Simone Inzaghi, me Roberto Galiardinin, të cilin tekniku italian e pëlqen prej kohësh.
Burimi: Calciomercato|Përktheu dhe përshtati: JOQAlbania
