Barcelona njoftoi të premten se kishte nënshkruar me sulmuesin francez të Atletico Madrid, Antoine Griezman, pasi kishte paguar klauzolën prej 120 milion eurosh të vendosur nga klubi.
Nga ana tjetër, Atletico është përgjigjur, duke thënë se paratë e paguara nuk janë të mjaftueshme. Kjo për shkak se francezi kishte rënë dakord që të kalonte te spanjollët që para 1 korrikut, kur klauzola e tij ishte 200 milon euro.
Sipas spanjollëve, shuma e paguar nga Barcelona për Griezman është e pamjaftueshme. Atletico Madrid ka vendosur që të ndjekë këtë çështje në rrugë ligjore.
Ndërkohë Griezman do të prezantohet në ditët e ardhshme në "Camp Nou" dhe Barcelona do t'i vendosë një klauzolë prej 800 milion eurosh.
Kujtojmë këtu se marrëdhëniet mes Griezman dhe Atleticos ishin të tendosura, pasi francezi verën e shkuar xhiroi një dokumentar ku zbuloi dëshirën e tij për të shkuar te Barcelona, ndërsa kompania e prodhimit ishte e mbrojtësit katalanas, Gerard Pique.
Burimi: Skysports|Përktheu dhe përshtati: JOQAlbania