Një lajm i bujshëm ka pushtuar mediat rozë në mbarë botën.
Bëhet fjalë për arrestimin e këngëtarit me famë botërore, fitues i çmimit Grammy, R Kelly.
52-vjeçari u prangos ditën e djeshme nga Policia e New York-ut.
Sipas zyrës së prokurorit në Çikago të SHBa-së mbi kantautorin rëndojnë 13 akuza për krime seksuale, përfshirë këtu pornografi dhe pengim të drejtësisë.
R Kelly u akuzua në vitin 2008 për pornografi me të mitur, por u shpall i pafajshëm nga gjykata.
Por gjatë muajve të fundit, këngëtari i muzikës "R&B", u vendos sërish në qendër të vëmendjes, falë dokumentarit "Surviving R Kelly", në të cilin rrëfeshin histori mbi abuzimet seksuale të tij ndaj fëmijëve të moshave nga 13-16 vjeç.
Këngëtari i superhitit muzikor "I Believe I Can Fly", rrezikon të dënohet me 30 vite burg, nëse provohen me fakte abuzimet seksuale ndaj të miturve.
Ai akuzohet nga 3 vajza të mitura për abuzim seksual, mes tyre edhe ish-bashkëshortja e tij.