Shumë personazhe të famshëm, por dhe të pasur e njerëz të zakonshëm, zgjedhin kirurgjinë plastike për të "perfeksionuar" më tej aparencën e tyre ose për të rregulluar "defekte" të vogla që mund t'i kenë pasur që në lindje, ose dëmtime që mund t'i kenë pësuar gjatë jetës.
Një nga rastet që dëshmon qartë dështimin e plotë të ndërhyrjeve plastike është rasti i Donnatella Versace, stilistja e famshme italiane që drejton kompaninë e njohur të modës, "Versace".
Donnatella kreu një numër të madh ndërhyrjesh në fytyrë, të cilat i shkaktuan probleme të theksuara në fytyrë.
Siç shihet dhe në fotot e mëposhtme, pjesa e poshtme e buzës së saj është rreth 50% më e madhe se pjesa e sipërme, ndërkohë që vetullat e saj kanë marrë një "formë të çuditshme".
Të gjithë të apasionuarit pas kirurgjisë plastike duhet të mendojnë mirë përpara se të kryejnë ndërhyrje në fytyrën e tyre, pasi siç thotë një shprehje popullore, "shkoi për të vënë vetullat, por nxori sytë".