Facebook është prekur së fundmi nga një virus i cili ekspozon mesazhet private të përdoruesve.
Tashmë, “piratët kibernetikë” mund të përdorin video të postuara në faqen e rrjetit social për të gjurmuar se me cilët persona jeni duke folur në chat.
Kështu, me pak fjalë ekspozohen emrat e të gjithë personave me të cilët ju shkëmbeni mesazhe.
E vetmja gjë që iu duhet hakerave për t’ju shtënë në dorë, në këtë rast, është thjesht një klikim në disa video të cilat përdoren si “karrem”.
Kjo “çarje” në murin e sigurisë i lejon ata që të kontrollojnë se me cilët nga miqtë tuaj ju jeni angazhuar kohët e fundit duke përdorur Facebook Messenger.
Problemi i sigurisë vjen vetëm pak ditë pasi CEO, Mark Zuckerberg njoftoi një "të ardhme të fokusuar tek privatësia" për përdoruesit e tij.