Një nënë e re në moshë nga Kosova ka humbur jetën në vatrat e luftës së Shtetit Islamik. Ngjarja ka ndodhur javën e kaluar por lajmi është bërë i ditur për mediat shqiptare ditën e sotme. 30-vjeçarja ka qenë nëna e dy fëmijëve, të cilët i ka lënë në vatrat e luftës.
Bëhet fjalë për Filloreta Kastratin rreth 30-vjeçe nga fshati Karaçevë i Komunës së Kamenicës. Burri i së ndjerës ka vdekur kohë më parë në zonat e luftës. Ndërkohë çifti ka lënë dy vajza, njëra pesë dhe tjetra tri vjeçe, në zonat e rrezikshme në Siri.
Familja e saj ka hapur dyert e mortit për të pritur njerëzit që i ngushëllojnë për vdekjen e vajzës së tyre, Filloreta Kastrati. Mësohet se trupi i Filloretës ka mbetur në zonat e luftës së Shtetit Islamik, të cilit ajo i ishte bashkuar vite më parë.
Para disa viteve, Filloreta bashkë më burrin e saj shkuan në Shtetin Islamik, pasi premtime të shumta kishin marrë edhe nga bashkëkombas të tyre. Burri i saj humbi jetën pak kohë pasi kishin shkuar për të jetuar atje.
Filloreta kishte komunikuar shumë herë me familjen e saj në Kosovë, ku u kishte kërkuar edhe ndihmë për t'u kthyer në atdhe. Ajo kishte patur kontakt me familjen deri një ditë para se të vritej.
Babai i saj Lulzimi ka treguar se lajmin për vdekjen e vajzës e ka marrë nga një grua tjetër, e cila gjendet në Shtetin Islamik. Ai thotë se ka pasur kontakt me vajzën e tij disa herë. Ajo u tregonte se është mirë bashkë me dy fëmijët e saj dhe se vazhdimisht kishte kërkuar që të kthehej në Kosovë.
Deklarata e babait të viktimës: